رواية جامدة ج3 الفصل الثالث والرابع بقلم الكاتبة الرائعة
المحتويات
اهو بيطمنها .. قال لها مفيش حاجة هتبقى ڠصب عنك زي قبل كده .. هيعوضها ..
امال ليه فرحتها ناقصة كده!!
حاولت سارة تستسلم للنوم بعد ما شافت ادهم حط ايده علي عينه وهو نايم على الكنبة وعيونه غرقها النوم .. حست براحة واطمئنان .. ولكن قضت ليلتها كلها بنوم متقطع ..
صحيت بدري الصبح .. قبل ما ادهم يصحى .. بصت عليه لاقته لسه نايم ..
قررت سارة تعمل زي ما بتشوف في الافلام وتصحي بطلها .. راحت جابت كوباية مية من المطبخ ورجعت .. ودلقتها كلها علي ادهم .. اللي اتفزع اول ما حس بالمية علي دماغه ..
ادهم بفزع ايه ! في ايه !
وقفت سارة بتضحك بشدة عليه وهو غرقان ..
ادهم پغضب ايه الغباء ده يا سارة ! .. حد يصحي حد كده !
احرجت سارة جدا من ڠضب ادهم عليها . ومكنتش متوقعه ردة فعله دي ابدا ..
سارة بصوت مخڼوق آآنا آآسفة مش قصدي بس انا بشوفهم بيعملوا كده ..
اتنهد ادهم بضيق وبيمسح المية من على وشه ..
ادهم سارة حبيبتي ده اسمه شغل افلام ومسلسلات مفيش منه في ارض الواقع عارفة اي راجل مصري اصيل لو اتعمل فيه الموقف ده كان بيت مراته في المستشفي لكن اللى انقذك مني بس انك عروسة ولسه بتحطي رجلك في الدنيا .. لكن ممكن اردهالك ..
بيعدل ادهم ياقة الترينج بتاعه وبيرفع حاجبه وبيصطنع الجدية ..
ادهم ايوة كده .. ناس تخاف مبتجيش غير بالعين الحمرا .. روحي يالا اعمل لي فطار ..
سارة بضحك عيوني ..
ادهم تسلمي لي عيونك يا جميل ..
خرجت سارة وراحت المطبخ .. دقايق وراح لها ادهم ووقف يساعدها ..
سارة هو لازم السفر يعني النهاردة !
ادهم بتعجب وليه مش النهاردة ! وراكي ميعاد !
سارة بتوتر لا مش قصدي انا قلت يعني نأجله يومين تلاتة .. يعني كده ...
أدهم اشمعنى يعني بردو ! هتعملي ايه في اليومين دول !
سكتت سارة وبعدت عنه ومثلت انشغالها في تحضير الفطار بصلها ادهم بعد ما فهم قصدها .. قرب منها ومسك الطبق من ايديها وحطه علي الترابيزة اللي في المطبخ .. بصت سارة للارض والتوتر ظهر علي ملامحها .. ..
سكتت سارة للحظات وبعدين هزت راسها ب لا ..
ادهم لا انتي خاېفة وانا متاكد .. بس خاېفة ليه ! انا عملت ايه ېخوفك !
سارة انت ما عملتش .. المشكلة فيا انا .. ومش عارفة اعمل ايه ارجوك اعذرني .. بس الوضع جديد وصعب عليا اوي ..
اټفزعت سارة وقامت تجري ناحية البوتجاز .. وهي بتقول ..
.. العييييش .. حرام عليك يا ادهم قعدت ترغي اهو ..
ادهم بضحك جيبيها فيا بقى .. انا اللي شكلي لبست في ست بيت
متابعة القراءة
