رواية انتقمت ج2 الفصول من الخامس وعشرون لثلاثون بقلم الكاتبة الرائعة
المحتويات
يا بنتي تعيشي حياتك بقى وصدقيني انا لو مش شايف ان ادهم مش هيقدر يقوم بالدور ده مكنتش عملت الخطوة دي ..
قرب سيف منهم وقال بضحك وبهمس امسحي دموعك يا امال ايه يا بنتي كل ده من الفرحة !
اكيد مش مصدقة نفسك ..
خرجت سارة من حضڼ ابراهيم وضړبت سيف في صدره بايديها بغيظ ..
ضحك سيف علي سارة وبارك لها ..
سيف حبيبتي مش هقولك غير عيشي حياتك وانسي ..
يحيي ادهم ما تاخد سارة الجنينة خليها تشوفها واهو منها تتكلموا مع بعض شوية ..
بص ادهم ل ابراهيم ممكن يا عمو
ابراهيم اه يا حبيبي اتفضلوا ..
ادهم اتفضلي يا سارة ..
قامت سارة ومشيت قدام ادهم لحد ما وصلوا ل باب الفيلا فتحها وخرجوا .. مشي ادهم قدامها بخطوات اول ما خرجت سارة حست بالهواء البارد بيضرب في وشها وقفت لحظات واخدت نفس طووويل وطلعته مشيت ورا ادهم لحد ما وصلوا لترابيزة حواليها اربع كراسي قعد ادهم وقعدت سارة قدامه ..
فضل ادهم متابع تصرفاتها بعينه واستني لحد ما فاقت لنفسها وبصت له واول ما شافته بيبص لها بصت في الارض ..
قررت سارة انها تبعد ادهم ب اخر كارت معاها ..
سارة بصوت هادي لو سمحت ممكن اتكلم وتسمعني !
اخدت سارة نفس طوويل وطلعته بتنهيدة مليانة حزن ..
سارة وباصة في الارض ادهم احنا مينفعش نرتبط في حاجة اقوى مني ومنك تمنع اننا نرتبط ..
بدا ادهم يفهم اللي بتتكلم عنه سارة ..
ادهم ايه بقى هو السبب ده !
سارة مش عارفة افهمها لك ازاي بس في واحد بيحبني وعايز يتجوزني ومش هقدر ارتبط بيك غير لما اخلص منه..
سكتت سارة لحظات بتحاول تجمع فيهم كلام ..
سارة ده ماينفعش معاه اني اقول ده مچرم بص بقى من الاخر يا ادهم بابا ابراهيم ده عمي وماما سهير دي مرات عمي انا بابا وماما واخواتي اتقتلوا علي ايد الشخص اللي عايز يتجوزني بدا صوت سارة يتخنق بالعياط وسيف ده مش اخويا هو انا بعتبره اكتر من اخويا بس بصراحة هو الظابط اللي مسئول عن قضيتي ولما فكرنا نخلص من الشخص ده ونقبض عليه وبالفعل قتلناه ظهر لي اخوه عشان ينتقم مني وانا في دوامة ما يعلم بيها الا ربنا ومن فترة قريبة اكتشفت ان الشخص ده لسه عايش ودخولك في حياتي معناها موتك فهمت ولا اتكلم اكتر انا منفعكش لا ليك ولا غيرك ..
اتنهد ادهم تنهيدة ضيق وحزن نفسه يقوم يضمها في حضنه ويمسح لها دموعها نفسه يطمنها بوجوده نفسه يخبيها جوه قلبه وما بين ضلوعه ..
ادهم طيب ولو قلت لك اني معاكي لاخر نفس في عمري . ومستعد اعمل اي حاجة امنع بيها عنك اي اذى ..
سارة افهم بقى مينفعش ده مش تحدي قدام واحد ده مچرم فاهم يعني ايه مچرم !
ادهم ايه يعني هاخد لي طلقة !
بصت له سارة بتعجب طلقة ! انت مستهون باللي بقوله كده ازاي !
ادهم لان بكل بساطة قل لن يصيبنا الا ما كتب الله لنا يعني لو مكتوب لي اموت علي ايد الشخص ده ھموت علي ايده ولو بعد مېت سنة ..
سارة ادهم انت ازاي بتفكر كده
ادهم اقولك ازاي ..بصي يا ستي في حديث للرسول عن ابن عباس قال كنت خلف رسول الله يوما فقال
يا غلام إني أعلمك كلمات احفظ الله يحفظك احفظ الله تجده تجاهك إذا سألت فاسأل الله وإذا استعنت فاستعن بالله واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك ولو اجتمعوا على أن يضروك بشيء لم يضروك إلا بشيء قد كتبه الله عليك رفعت الأقلام وجفت الصحف
كمل ادهم كلامه ..
ادهم يعني بمعني ان محدش هيقدر يأذيني الا لما ربنا يأذن بحاجة زي كده امر المؤمن كله خير
ده بقى يخليني ارتبط بيكي وانا مطمن ومش خاېف وبالعكس انا كمان هعيش معاكي كل لحظة ومستعد للحظة اللي بعدها وانا عارف ان ربنا مقدر لي الخير انا عند حسن ظن عبدي بي وانا واثق في ربنا لابعد حد واي حاجة هتحصلي تبقى خير مش هوقف حياتي عند مرحلة بالعكس لو انا ھموت يبقى استمتع بالباقي من حياتي مع الانسانة الوحيدة اللي قلبي اختارها
متابعة القراءة
