رواية انتقمت ج2 الفصول من الخامس وعشرون لثلاثون بقلم الكاتبة الرائعة

من سارة مين ده اللي غبي !!
الجزء الثاني .......
الفصل السادس والعشرون البارت الاول ..........
دخلت سارة واول ما دخلت عمل ادهم نفسه خارج من المطبخ باندفاع وهو ماسك التورته في ايده ولبست التورتة كلها في وش سارة ...
شهقت سارة وندى بفزع ...
سارة پغضب ااااااااااه ياغبي .. لا بجد انت زودتها اووي ...
قربت ندى بسرعة من سارة وادتها فوطة ومسحت سارة وشها ..
ادهم پغضب وبيقرب من سارة مين ده اللي غبي !!
سارة بحدة انت بقى انا سكتالك من الصبح وانت عمال تعمل كل مقلب والتاني يطلع من نافوخي مانت متتوقعش اني هسكت وعلي فكرة انا فاهمة انك جبتنا هنا عشان تاخد حقك بس مايغركش منظري وقت ما احب ارد هرد وسكوتي ده عشان مش عارفة لا يا بابا فوق لنفسك ان كيدهن عظيم ..
وقف ادهم متنح من القوة اللي بتتكلم بيها وبعد كده بص لها بمكر .. وبدا يقرب منها بخطوات بطيئة وهي بترجع لورا .. لحد ما خبطت في الحيطة جنب باب المطبخ .. ووقف ادهم قريب منها وحط ايده ومنعها من الحركة من ناحية ومن الناحية التانية الباب وبقى محاصرها من الناحيتين .. شافت ندى المنظر ده انسحبت بهدوء ...
همس ادهم اديني واقف قدامك اهو وريني هتردي ازاي 
اتنفض جسم سارة من قرب ادهم ليها وبدات تاخد نفسها بصعوبة وحس ادهم بتوترها وخۏفها ..
ادهم ايه يا سارة مش سامع لك صوت يعني !!
قعدت سارة نص قعدة وجريت بعيد عن ادهم .. وقدرت انها تخرج من حصاره ..
ادهم بضحك اهي دي ميزة القصيرين متعرفش تحكمهم كده ..
راحت سارة ناحية رخامة المطبخ واللي كان عليها بعض ادوات المطبخ .. سحبت سکينة من طقم السكاكين وقربت من ادهم . ورفعت السکينه في وشه ..
ادهم اهدي يا سارة احنا بنهزر انت مبتهزرش يا رمضان ولا ايه 
سارة بمكر لا بهزر وهوريك الهزار دلوقتي ..
بدات سارة تقرب من ادهم بخطوات بطيئة ولسه رافعة السکينة وادهم عمال يرجع لورا لحد ما خبط في باب المطبخ اللي مطلع علي الجنينة فتحه وخرج وهي وراه ..
سارة بخبث بقى بترمي عليا الشوربة وهي مولعة !! وبترمي عليا العصير ..
ادهم بضحك انا افتكرتك بتحبي الفراولة ..
سارة بحدة انت بتهزر !
ادهم صراحة اه ما المنظر اللي احنا فيه ده مش منظر عرسان خالص ..
قرب ادهم من حمام السباحة ..
سارة حاسب لتقع ..
بص ادهم وراه لقى بينه وبين انه يقع خطوة .. استغلت سارة انه بيبص وراه وراحت زقاه وقع في المية ..
جريت سارة تاني علي المطبخ وقعدت تضحك علي منظره .. دخلت عليها ندى ..
ندى هو في ايه ! هو ادهم فين !
رفعت سارة السکينة قدام وشها ..
سارة بشړ تاويته ..
ندى بضحك احفر التربة يا كبيرة ..
سارة لا سيبيه يبوش في المية ..
ندى عملتي ايه يا بت بجد 
سارة بتتصنع البراءة ولا حاجة ولا جيت ناحيته ..
دخل ادهم عليهم وهو مبلول وهدومه عمالة تنقط مية .. شافوه ندى وسارة ضحكوا عليه بشدة ..
ندى ايه اللي حصل لك ده !
سارة شكل رجله اتزحلقت ووقع في المية معلش ما يوقع الا الشاطر ...
بص لها ادهم بغيظ .. وسابها ومشي ..
ندى بضحك انتي وقعتيه في البسين !
سارة يستاهل ..
...............................
خرجت ندى وسارة معاهم اطباق فيها حلويات وشايلة سارة صينية عليها كوبايات شاي وحطوها قدامهم علي الترابيزة وقعدت سارة جنب سهير وندى جنب فاطمة .. وادهم وابراهيم كانوا بيتكلموا ..
ادهم انا رايي حضرتك انها تبقى هنا في الفيلا في الجنينة الجو جميل هنا و هيكون تغيير عن انه يكون في قاعة او في البيت ..
ابراهيم حلوة الفكرة صراحة طيب حيث كده ان شاء الله نكون جاهزين علي الخميس ولا ايه رايك يا سارة !
سكتت سارة ومش عارفة هم بيتكلموا عن ايه ومابتردش ..
سيف بخبث السكوت علامة الرضا نقرا الفاتحة !
بداوا كلهم يرفعوا ايديهم ويقراوا فاتحة سارة وادهم .. وسارة علي وشك الانفجار وعمالة تشد ذراع سهير وسهير مطنشاها ..
راقبها ادهم وشاف اد ايه هي زعلانة ومتضايقة واتضايق في نفسه لانه حس انه هيجبرها بس افتكر كلام يحيي ..
يحيي سارة هترفضك بكل الطرق هتمنعك انك تقرب منها 
ادهم في نفسه لازم اهدي اللعب بقى وندخل علي الخطة التانية ..
الكل امييييييييين ..
قامت فاطمة وحضنت ادهم بكل حب ..
فاطمة الف مبروك يا حبيبي ربنا يسعدك ويتم لك علي خير ...
قربت سهير من سارة واخدتها في حضنها دفنت سارة وشها في حضڼ سهير وسابت دموعها تنزل ..
حست سهير بسخونة نفس سارة وفهمت انها بټعيط فضمتها اكتر .. بعد لحظات خرجت من حضنها وبتمسح دموعها وقف ابراهيم قدام سارة عشان محدش يلاحظ انها بټعيط ...مسكها من ايديها ووقفها واخدها في حضنه ..
ابراهيم وبيهمس لها بكرة هتشكريني علي الخطوة دي حقك