رواية انتقمت ج2 الفصول من الخامس وعشرون لثلاثون بقلم الكاتبة الرائعة

قادرة علي الشغل ممكن تسيبيه وتمشي ...
مريم انا بعون الله قادرة علي الشغل بس حضرتك اللي بهدلت لي شغلي وعموما الملف ده انا نزلته علي السيستم وكله موجود علي جهاز الكمبيوتر بتاع حضرتك وهتلاقي المعلومات كلها عليه ..
اتعدل سيف في وقفته باحراج وسابها ومشي ..
..................................
في شركة شاكر ....
وقف شاكر پغضب بيزعق في الموظفين بتوعه ..
شاكر بعصبية يعني ايه لتاني مرة الصفقة بتروح مني انا مشغل عندي ايه ازاي الصفقة زي كده تروح مننا ! دي علطول بتاعتنا ...
الموظف حضرتك انا حذرتك اكتر من مرة من الشخص اللي اسمه عاصم الغزالي وقلت لحضرتك ان دي شكلها عداوة شخصية ده مصر ياخد كل الصفقات بتاعتنا ...
خبط الباب ودخل المحاسب ..
المحاسب مصېبة يا فندم مصېبة بعد الصفقة اللي خسرناها البنك حجز علي الارصدة بتاعتنا عشان القرض اللي اخدناه عشان يضمن حقه بعد ما عرف ان وضعنا المالي بقى صعب جدا .. احنا كده مفيش اي ارصدة في حسابتنا وروحت حاولت اتكلم معاهم واقنعهم يصبروا علينا ولكن رفضوا ..
شاكر وده معناه ايه !
المحاسب للاسف احنا كده البنك ممكن يحجز علي الشركة ويصفي الاصول بتاعتها ..
وقف شاكر بيسمع پصدمة وفجاة اغمى عليه ووقع ...
..............................
في بيت ابراهيم .....
قاعدين كلهم متضايقين من حال سارة وطبعا مش فاهمين اي حاجة ومش عارفين حتي يخففوا عنها لانها رافضة حتي انها تدخل حد اوضتها ...
وصل سيف تحت البيت وشاف ادهم مستنيه جنب عربيته ..
خرج سيف من عربيته بسرعة وراح ناحية ادهم ..
سيف يلا بينا ..
طلعوا هم الاثنين وخبطوا علي الباب وفتح لهم خالد ..
خالد اتفضلوا ..
دخلوا هم الاثنين وقعدوا ..
ابراهيم فينك يا ادهم مابتردش ليه وفي ايه اللي حصل بينك انت وسارة خلاها تبقى في الحالة دي !
سيف هي فين يا بابا !
ابراهيم في اوضتها وحالتها صعبة اوي شوية تصرخ وشوية ټعيط وكل ما حد يجي يكلمها تفضل تزعق ..
سيف طيب انا داخل لها ..
قام سيف يروح ل سارة .. وقعد ادهم يحكي اللي حصل ..
محمود بضيق ليه كده يا ادهم حرام عليك ..
ادهم والله يا جماعة اللي حصل كله في ثانية والله والله انا كنت هطردها بس سارة دخلت قبل ده ما يحصل ..
خالد وانت فاكر سارة هتصدقك !
ادهم المفترض انها تصدقني انا بحبها ولازم تثق فيا اكتر من كده ..
خالد مش عايز احبطك بس موقفك صعب معاها ...
.........................
في اوضة سارة .....
خبط سيف علي الباب ...صړخت سارة ..
سارة بزعيق انا قلت مش عايزة اشوف حد سيبوني في حااااااالي ..
سيف افتحي يا سارة انا سيف ..
سارة مش عايزة اشوف حد ايه مابتفهموش !
سيف ما هو لو مافتحتيش هكسر الباب ...
سكتت سارة ومردتش عليه وفعلا خبط سيف الباب بقوة واتفتح .. دخل شافها قاعدة في ركن في الاوضة في الارض وبتعيط كل حاجة في الاوضة متكسرة ومتبهدلة سارة نفسها هدومها متبهدلة وشعرها وفي ډم علي هدومها .. جري عليها سيف بفزع ..
سيف ايه الډم ده !
سارة بعياط اتعورت في ايدي ..
قام سيف بسرعة وجاب علبة الاسعافات اللي في اوضة سارة علطول وبدا يطهر لها جرحها ويربط لها ايديها ...
سيف ده انتي طلعتي هبلة خالص بقى يضحكوا عليكي ب لعبة عبيطة زي دي وانتي تصدقي !
سارة ارجوك يا ابية انا مش عايزة اتكلم انا جوايا ڼار لو طلعتها هحرق الكل ..
ربط سيف ايد سارة وقعد جنبها علي الارض ...
سيف طيب اسمعيه الاول وشوفي هيقولك ايه ..
سارة اسمع مين !
سيف ادهم هو بره وجاي يتفاهم معاكي ..
وقفت سارة پغضب هو ليه عين يجي هنا كمان !!
خرجت سارة من اوضتها وراحت ناحية الصالون واول ما شافوها اتفزعوا كلهم ... قرب ادهم منها واتضايق جدا من منظرها ..
سارة بزعيق انت ايه اللي جابك هنا !
ادهم بضيق اهدي بس وانا هفهمك كل حاجة ..
سارة اهدي ! اهدى ! وبعدين هتفهمني ايه ده انا لو اتاخرت شوية كنت هشوف ايه وبعدين هو انا حد حكالي ده انا شفت بعيني ..
ادهم اسمعي بس يا سارة ده حد عايز يوقع بينا وكم .....
قاطعته سارة بعياط بس بس بس كفاية كڈب حذرتك يا ادهم تعلقني بيك حذرتك من الخېانة من اي نوع قلت لك اوعي تمثل عليا الحب ...
قرب منها ادهم ومسك ايديها ولكن زقته سارة پعنف وبعدته عنها ...
سارة باڼهيار قلت لك بلاش انا قلت لك قلبي مش مستحمل عڈاب حرام عليك عملت فيك ايه عملت فيك ايه عشان تبهدلني كده وتوجعني كده ...
سيف يا سارة اهدي بس وافهمي الموضوع كله لعبة اتلعبت عليكم ووقعتوا فيها متعمليش اللي هم عايزينك تعمليه ..
سارة اسكت انا مبقتش اصدق حد فيكم اساسا بصت سارة ل ادهم بۏجع وعياط عارف يا ادهم انا ماجد اذاني وحسام جرحني بس انت كسرتني بجد عارف ليه