رواية انتقمت ج2 الفصول من العشرون للرابع وعشرون بقلم الكاتبة الرائعة
المحتويات
بضيق وقالت في نفسها شكلها هتكون سنة لطيفة ..
فتحت سارة كشكولها وطلعت قلمها وبدات تكتب حاجات من اللي بيقولها ادهم تسرح شوية وتشخبط شوية ترجع تاني تسمع المهم انها مكنتش مركزة لعين ادهم اللي منزلتش من عليها ...
وقف ادهم يشرح بعض الخطوط العريضة للمادة وسط انتباه الطلبة وهيام البنات ..
رفع واحد من الطلبة ايده عشان يسال سؤال .. بص له ادهم ..
وانا هرد عليه قبل نهاية المحاضرة ..
كمل ادهم شرح وفوجئ بكمية من الورق اللي بقت قدامه من الاسئلة ... اتعجب ادهم من كمية الورق الكتيرة جدا .. قرب المايك من بوقه ..
ادهم بضحك ايه كمية الورق دي ! ده انا لو داخل مسابقة وفيها سحب مش هشوف الورق ده كله
بصت له سارة برخامة ...
سارة اوووف ايه السئالة دي ..يارب نخلص علي خير ..
اخدت بنت بالها من كلمة سارة وكانت قاعدة جنبها ..
رانده سئالة !! هو مين ده اللي سئيل !
اتخضت سارة من البنت دي وبصت لها بتعجب ..
ابتسمت سارة بمجاملة سارة اهلا بيكي يا رانده ..
رانده بضحك بزمتك يا بنتي ده سئيل ! بصت رانده لادهم هو في حلاوة كده ولا جمال كده شكلي ھموت في المحاسبة وهعشق المحاسبة وياريت اتجوز المحاسبة ..
ضحكت سارة علي رانده ..
سارة يا عيني ده انتي حالتك صعبة خالص ...
رانده لو انتي شائفة ان الكائن الادهمي ده سئيل يبقي انتي اللي حالتك صعبة ..
ادهم دلوقتي انا عندي سؤال كده يعني مش عارف يترد عليه ازاي !! السؤال هو انت مرتبط يا دكتور ضحك ادهم تاني احب اطمن المتصلة اني لا مش مرتبط بص ادهم لسارة بس
شكلي هعملها علي ايديكم يا سنة اولى اظن كفاية كده عليكم وعليا المحاضرة انتهت تقدروا تتفضلوا...
طلعت سارة جدولها من شنطتها لقت ان محاضرتها اللي بعد دي لسه فاضل عليها ساعه ..
سارة بتكلم نفسها يادي النيلة هروح فين انا في الساعة دي !!
رانده بضحك انا قلت انك حالتك صعبة والله بتكلمي نفسك يا ضنايا ياعيني عليكي وعلي شبابك ..
رانده للدرجة دي مشكلة ! ولا يهمك هننزل اي كافيتيريا نفطر منها ونقعد شوية في الهوا الطلق ونتعرف علي اصحاب جداد ونعيش بقي .. يلا تعالي معايا ..
بالفعل اقتنعت سارة بكلامها ولمت حاجتها وقامت معاها .. لاحظها ادهم وهي نازلة من المدرج
وعلي قرب من باب المدرج .. وقف ينادي عليها ..
ادهم يا انسة يا انسة ..
وقفت سارة لما وقفتها رانده ..
رانده بت يا سارة الدكتور عايزك ..
بصت سارة ناحية ادهم بتعجب ..
سارة انا !!
ادهم بسخرية مش هتجيبي اصحح لك الكشكول واكتب لك واجب المرة اللي جايه !!
بصت له سارة پغضب في نفس الوقت ابتسم كل اللي سمعوه ..
اخد ادهم شنطته وماشي اول ما جنبها وقف وبيعدل البدله بتاعته ..
ادهم بابتسامة معلش اعذريني اصلي غلس ..
كتم ضحكته جواه وسابها ومشي وهي واقفة ھتموت من غيظها وبتتوعد له ...
سارة بتوعد بقى كده ماشي ..
..........................
في الكافيتيريا قاعدة سارة ورانده وبعض البنات اللي اتعرفت عليهم رانده وعرفتهم لسارة ...
ماسكة بطنها بشدة من الضحك ..
رانده بضحك شديد ېخرب عقلك يا سارة بقي المز ده كان بيتريق عليكي وقولتي له غلس كده
عيني عينك يا جبروتك يا شيخة ده الواد خلانا كلنا مركزي تركيز السنين وانتي بتقولي عليه
غلس .. لا بجد انتي في في مخك حاجة ..
سارة بضيق وبتبص في ساعتها
سارة لا حاجة ولا حاجات كل الحكاية اني مش بحب الاستظراف وهو شايف نفسه علي ايه مش عارفة ..
رانده مصطنعة التفكير ..
رانده علي ضحكته اللي زي العسل ولا عيونه الزرقاء ولا دمه الخفيف حاجة كده يعععع
مش عنده مرايات في بيتهم يشوف الشربات اللي بينقط منه ..
ضحكت سارة ڠصب عنها
سارة يلا ياختي نقوم نشوف المحاضرة التانية ..
قامت رانده وسارة وراحوا يحضروا المحاضرة مرت ساعات وخلصوا محاضراتهم . وواقفين قدام المدرج ..
سارة يووووووة كان يوم طويل ومرهق اوي انا عايزة اناااام ..
رانده لا شدي حيلك شوية ده احنا اول يوم ..
سارة ربنا يعديها علي خير
رن موبايل سارة طلعته سارة موبايلها من شنطتها وشافت اللي بيتصل وكان خالد ..
رانده بتبص في الموبايل بتاع سارة ..
رانده بت انطقي مين خالد ده
سارة
متابعة القراءة
