رواية انتقمت ج2 الفصول من العشرون للرابع وعشرون بقلم الكاتبة الرائعة
المحتويات
الحياة بالنسبة لي بقت افضل الحمدلله من بعد ما رجعت وسط عيلتي وحسيت تاني بالحب والحنان اللي انا اتحرمت منه لمدة سنة واتحرمت اني اعيشه مع بابا اللي هو المفترض يبقى اقرب حد ليا بابا للاسف الكلمة دي هو مايستحقهاش دايما يقولوا البنت حبيبة ابوها انا مش شايفة كده عمري ما حسيت انه اب كان وجوده في البيت معايا خانقني لانه كان علطول بيتلكك لي علي اي خطا عشان يزعق لي او يهيني او حتى يضربني ..
الموضوع ده مع جوازي خلاني فقدت الثقة في الناس وفي نفسي الاول قبل ما اتجوز شادي كان نفسي اتجوز حد يبعدني عن بابا واللي بيعمله فيا حد يحتويني ويديني الامان واعيش معاه حياة هادية ..لكن بابا رفض حتي بعد ما يبعدني عنه اني اعيش حياة هادية .. ودلوقتي انا اكتفيت بعيلتي الصغيرة .. اخواتي وولاد عمي .. مش عايزة حد يقتحم حياتي تاني .. مش هسمح لحد تاني انه يأذيني .. هبقى قوية وهقف في وش اي حد عايز يكسرني ..
بصت ندى للارض وبضيق ولا حاجة بالعكس انا بعدت عن اي راجل حتي في الكلية رفضت محاولة اي شاب انه يتعرف عليا ولما كمان زميلاتي البنات عرفوني علي شباب سيبتهم ومشيت ..
سارة بس ده هروب يا ندى .
ندى مانا عارفة انه هروب بس فعلا مش قادرة اتعامل مع اي راجل غريب ده حصلت مشكلة معايا في الجامعة لما رفضت اتعرف علي شاب وقف في نص الجامعة ويزعق فيا ويقولي انتي شايفة نفسك علي ايه عشان حلوة شوية ولا عنيكي ملونة هتشوفي نفسك علينا ..
ندى انا قلت ادهم حكالك حصل من حوالي يومين ولولا ستر ربنا كان حصل لي حاجة كنت واقفة مستنية ادهم عشان ياخدني ويروحني وجه وسمع الشاب ده وهو بيتكلم معايا كده ..
يحيي بضحك اكيد متوصاش .
ندى صراحة ادهم ربنا يخليه ليا دايما بياخد لي حقي مسك الواد طحنه والشباب بقوا يبعدوهم عن بعض بالعافية واخده للعميد والولد ده كان هيترفد لما عرفهم ادهم على اني اخته ولولا ان هو رفض وقاله انا عايزة يتأدب بس ويحترم بنات الناس اللي معاه في الجامعة ما هو مش كلهم نفس عينته ..
هزت سارة راسها انها فهمت ..
كملت ندى كلامها انا بعد مۏت الاثنين اللي كانوا السبب في تعذيبي بابا وشادي انا نفسيا مرتاحة كده ومش عايزة غير عيلتي الجميلة دي بس تفضل حواليا ..
قلب يحيى ورقة من الدفتر اللي ماسكه في ايده .. وكتب بعض الكلمات في الورقة الجديدة وبص لسارة ..
ابتسمت سارة بهدوء الاول كنت خاېفة بس زي ما قلت لحضرتك انا بقيت انتهز الفرصة عشان اتغلب علي خۏفي انا حتي في دكتور عمل معايا موقفين كده بس انا مسكتلوش وبدات سارة تحكي الموقفين اللي حصلوا بينها وبين ادهم وبتضحك وندى مصډومة اخدت فيهم حقي مانا مش هسمح حد يبهدلني تاني بس بصراحة الموقف اللي أثر فيا اللي حصل بيني انا واسلام ... حكت سارة اللي حصل بينها وبين اسلام ..
سارة بتعجب عشان دافعت عن حقي !!
يحيي لا طبعا بس انا قصدي فيها لو كان اخد الشقة
سارة فيها ايه !! فيها ان الشقة دي اخر حاجة باقية لي منهم فيها كل ذكرياتي الحلوة فيها حياة من غير خوف فيها كل ضحكة من قلبي بجد فيها اب وام واخوات ووطني .. دي مش مجرد شقة دي ذكرياتي اللي بعيش عليها ...
يحيي طيب مش اتكلمتي معاه بهدوء ليه ما هو اكيد ده نفس شعوره ..
سارة باعتراض لو ده نفس شعوره مكانش فكر انه يعيش فيها او يغير في حاجة تخصهم ..
ندى سارة ما يمكن اسلام حب ياخد الامان هو كمان بوجوده في شقتكم خلي بالك الرجالة اه مش بيتكلموا بس بيبقي جواهم ۏجع كبير هو كمان محتاج يكون معاهم ويحس بوجودهم حواليه ..
سارة يقوم ياخد المكان الوحيد اللي بيجمع ذكرياتنا معاهم ويغير في ملامحه ده عذر اقبح من ذنب اسلام كان اناني جدا في الموضوع ده وانا مش هسمح له يمحي اي ذكرى منهم ودي اكبر ذكرى ..
يحيي وانتي ناوية تعملي ايه
سارة هتكلم معاه
متابعة القراءة
