رواية انتقمت ج2 الفصول من الرابع عشر للتاسع عشر بقلم الكاتبة الرائعة
المحتويات
اللي قلتيه ده كله هو فعلا سيف بالنسبة لك كنتي دايما تقولي عليه امانك وسندك وحمايتك وبتطمني بوجوده جنبك كفاية ان عاصم مش بيجي ناحيتك طول ما هو معاكي ..
سارة بضحكة حزن كنت حط مليون خط تحت كلمة كنت دي .. بعد ما قالي الحقيقة بعد ما عرفني انا ايه بالنسبة له ...
فلاش بااااك ...
بعد مۏت سمر بايام اللي قضاها بيت ابراهيم كله حزن ووجعهم الاكبر علي سيف اللي كان مش بيعيط ولا بينهار ولا بيتكلم اصلا صمت في صمت بتاكد الڼار اللي جواه ومحدش عارف يهون عليه ... سارة كمان مش بتتكلم مع حد خالص في البيت بسبب اللي حصل مع ابراهيم مبتقعدش معاهم علي اكل ولا بتتعامل معاهم خالص وخاصة بعد تجنب خالد ليها بسبب انها خبت عليه موضوع حسام حست ان الدنيا كلها ابعد ما يكون عنها حست بان ظهرها انكشف ان كل الحب والسند اللي حواليها اختفي ...
سيف عايزة ايه ياسارة
اتخضت سارة انت عرفت ان انا منين
قربت سارة من سيف وحطيت ايديها علي ذراعه ..
سارة بحزن انت هتفضل كده لامتي !
سيف بجمود وانتي مالك
اټصدمت سارة من الرد .. حاولت للحظات تفهم ..
سارة بتعجب شديد وانا مالي !! يعني ايه وانا مالي ! انت مهم بالنسبة لي انت اخويا ..
سكتت سارة لحظات بتفكر فيهم ..
سارة اوعى انت كمان تقولي اني السبب في اللي حصلك زي اسلام ! بجد تكون بتفكر كده !!
مسكت سارة سيف من ذراعه وشدته عشان يبص ناحيتها ..
سارة طيب انت بتعاملني بجمود وجفاء كده ليه !
شال سيف ايد سارة من عليه مسك ذراعها پعنف ..
سيف پعنف انا اعاملك ليه بجفاء او كويس ليه اصلا سارة فوقي لنفسك انتي بالنسبة لي قضية حالة وبس واجب وشغل الكلمتين اللي كنت بضحك بيهم عليكي اني سندك وحمايتك وامانك عشان بس تهدي وتقدري تستحملي اللي انتي عايشاه بس انتي من الواضح هبلة وبتفهمي الناس اللي حواليكي غلط وبتتعشمي بزيادة سارة اسمعيني عشان مش هقول الكلام ده تاني انتي مش اكتر من قضية ولما تخلص مش هتشوفي وشي تاني اصلا ..
وقفت سارة سندت بايديها علي السور بتحاول تستجمع قوتها بتحاول توقف دموعها اللي بقت زي السيول مشيت سارة بعيد عن سيف وقعدت قدام الورد بتاعها وبقت تشيل الورد المېت عشان تزرع مكانه جديد ..
سارة بعياط بقيت اشيل كل ورد مېته بتمني انها تكون ذكري سيئة في حياتي واقدر اشيلها كده فاكرين اني لما بتعامل معاهم كويس اني كده نسيت او سامحتهم مش عارفين اني عمالة احوش واجمع كل اللي بيعملوه انا مش عندي في قاموسي كلمة مسامحة ولا هعرف اجي علي قلبي تاني عشان خاطر حد .. مبقاش فارق معايا اللي زعلان او اللي متضايق مني اللي مش عاجبه يبعد عني في هدوء ويريحني .. عرفت حضرتك ليه عايزة اتعود اعيش لوحدي عشان مفيش حاجة اسمها سند ولا حب من اي نوع انا اي حب تاني هيجي ناحيتي هصده بكل قوتي همنع حد يقرب من قلبي تاني اي واحد بيذكر كلمة حب يبقى كذاب ومخادع ومش بعيد يكون بيقولها عشان مصلحته .. حتي الحب اللي كنت فاكراه هيشفي چروحي طلع اسوا حاجة في حياتي ....
سارة انا اسفة يا دكتور انا محتاجة امشي مش قادرة اكمل ...
يحيي بتفهم خلاص يا سارة مش مشكلة نتقابل المرة اللي جايه بس اعملي حسابك ان المرة الجايه هتبقى الاسبوع ده مينفعش تتاجل للاسبوع اللي بعده ..
وقفت سارة واخدت شنطتها من جنبها ماشي يا دكتور ان شاء الله
وقفت ندى هي كمان سلمت علي سارة وحضنتها
ندى خلي بالك علي نفسك يا حبيبتي ..
سارة بابتسامة ماشي يا حبيبتي وانتي كمان السلام عليكم .. وخرجت سارة
يحيي وندى وعليكم السلام ..
قعد يحيي وبيتنهد بضيق ..
ندى سارة دي
متابعة القراءة
