رواية انتقمت ج2 الفصول من الرابع عشر للتاسع عشر بقلم الكاتبة الرائعة

سنين بسال نفسي انا ايه اللي انا عايشاه ده عملت ايه في دنيتي عشان اتعذب كده خلتوني شكيت في انضف ناس في حياتي ابويا وامي الله يرحمهم بقيت اسال جدي وجدتي هم ممكن بابا وماما الله يرحمهم يكونوا عملوا ايه في دنيتهم عشان اعيش اللي انا عايشاه دلوقتي ! .... وفي الاخر اكتشف ان انتوا السبب اكتر ناس كرهوني ورفضوني لا وكمان شايفني عار علي عيلتكم انا عار ! تعرفوا بقى انا اللي ميشرفنيش انكم تبقوا عيلتي ...
قاطعها ابراهيم بضړبة علي وشها شديدة خليتها وقعت في الارض جري عليها خالد ومحمد وسيف وقوموها .. وقفت ونظرات التحدي والڠضب في عيونها ..
ابراهيم بضيق المرة دي انتي اتعديتي كل الخطوط الحمراء تطاولتي علينا بزيادة وانا قلت مليون مرة انا المسئول عن تربيتك ولما الاقيكي بتتكلمي كده مع اعمامك لازم اربيكي واوقفك عند حدك ..
وقفت سارة قدام ابراهيم وبكل تحدي تصدق يا بابا انا قليلة الادب ومتربتش عندك حق بس تعرف ليه عشان بسبب العيلة دي فقدت اللي دروهم هو تربيتي مش انا قليلة الادب وحضرتك بتربيني اتفضل اطلب من اخواتك انهم يخرجوني من اللي دخلوني فيه من الاڼتقام اللي ماليش ذنب فيه غير اني للاسف قريبتكم ...
قاطع سارة صوت محمود ...
محمود بحدة ساااااااارة .. قرب منها محمود هو واسلام ومسكها محمود من ذراعها پعنف انتي وقت ما جايه تستقوي بتستقوي علي الشخص الوحيد اللي وقف جنبك كانه ابوكي اللي شالك في عينه كانك بنته اللي عيشك احسن عيشة ووفرلك كل اللي نفسك فيه وافقة سارة ودموعها بدات تنزل وحاطة ايديها علي بوقها وبتهز راسها ب لا اوعي تفكري للحظة ان انا هسمحلك تتطاولي عليه ..
سارة بزعيق انا عمري ما تطاولت علي عمو ابراهيم اللي اخد دور اعظم حد في حياتي ابويا انا بتكلم علي بقية العيلة عاللي عملوه فيا والكره اللي كان من ناحيتي انا ذنبي ايه حد يرد عليا ذنبي ايه في اللي بيحصل ده 
وقف كريم وقرب منها مالكيش اي ذنب بس ربنا ليه حكمة في كده وانتي مكتوبلك تشوفيه عيلتك اللي انتي مش طايقاهم ما هم الا اسباب للي انتي فيه يعني بيهم من غيرهم كنتي هتشوفيه ..
وقفت سارة حاسة بالاحباط من وقوفهم كلهم ضدها حتي الشخص الوحيد اللي كان بيمنع عنها اي اذى وقف قدامها النهاردة انسحبت سارة بهدوء من وسطهم ودخلت اوضتها طلعت لبس خروج وجابت شنطة السفر بتاعتها اللي لسه مكانها زي ما هي وبدات تفضيها من هدوم الاجازة اللي ملحقتش تتهني بيها وفتحت دولابها وطلعت بعض الهدوم منها وحطتهم في الشنطة وقعت صورة اهلها اللي محتفظة بيها بقالها سنين وطت سارة وجابت الصورة من الارض وبصت فيها ووقعت بعض دموعها علي الصورة بدات تمسحها بصوبعها قعدت علي الارض وضمت الصورة لصدرها وهي بتردد وحشتوني ....
دقايق وخرجت سارة شايلة الشنطة بتاعتها ولابسة هدوم خروج شافها ابراهيم قرب منها ومسكها من ذراعها ..
ابراهيم بحدة تعالي هنا انتي رايحة فين 
سارة انا قلت مش عايزة اقعد هنا بس وهمشي ..
ابراهيم بزعيق وانا ايه هنا كيس جوافة مش مالي عينك !! يظهر اني دلعتك كتير لدرجة انك بقيتي مش عاملة حساب لحد مسك ابراهيم الشنطة من ايديها ورماها بعيد وزق سارة لجوه اتفضلي ادخلي علي اوضتك يالاااا ..
وقفت سارة تبص لابراهيم پصدمة مش مصدقة اللي بيقوله وطريقته معاها...قرب منهم سيف وبيكلم ابراهيم بصوت منخفض ..
سيف بابا اسمح لي اخد سارة المشوار اللي قلت لك عليه واهو منها تهدى شوية وتبعد عن التوتر ده ..
ابراهيم بيتنهد بضيق وبيبص لسارة نظرات ڠضب ماشي يا سيف متتاخروش وطمني اول باول عليكم ..
اخد سيف سارة وخرجوا هم الاثنين وسابوا العيلة في حالة التعجب من قوة سارة والضيق من كلامها ..
..........................
عند عاصم ............ بيتكلم في التليفون ..
عاصم خليك جاهز هننفذ النهاردة ..
مساعد عاصم انا عند بيته زي ما حضرتك قلت ومستني الاوامر ..
عاصم طيب تمام اووي خليك مستني اتصالي ..
................
في عربية سيف سيف متضايق وسارة بټعيط بصمت ..
سيف علي فكرة يا سارة مينفعش خالص اللي قولتيه فوق ده انتي ناسية انك بتكلمي ناس كبار !!
سارة لا ينفع علي فكرة انا الكلام اللي خاني ومقدرتش اعبر عن حړقة السنين اللي عشتها في كلام كتير في قلبي كان نفسي اقوله بس لساني مطاوعنيش وبابا مش ادالي فرصة ده غير ان الكبار اللي بتتكلم عليهم دول صغروا في نظري اووي بعد اللي عرفته ..
سيف بيبص لسارة بتعجب شديد انتي بقيتي غريبة اوي يا سارة طريقة كلامك تعاملك ردودك مش طبيعية .
سارة بسخرية ايه بقيت اقوى ! مش متعودين غير علي سارة الضعيفة اللي بټعيط من اي حاجة !
علي فكرة سارة العيلة الصغيرة اللي پتخاف من خيالها ماټت