رواية انتقمت ج2 الفصول من الرابع عشر للتاسع عشر بقلم الكاتبة الرائعة

الفلوس اللي بتعمل كده في الاخوات .. مشي وسابها دخل لياسمين ..
قعدت شكرية تبكي علي حالها بحسرة .........
..............................
في بيت ابراهيم في اوضة سارة .. كلهم متجمعين حواليها ونزل لهم كريم ومعاهم سيف اللي اټصدم بشدة من اللي حصل وبقى مش مسيطر علي اعصابه وغضبه عاميه ..رن موبايل سيف رد علي التليفون وكان سمر ..
سيف بضيق ايوة ياسمر 
سمر بضيق سيف الساعه ثلاثة الفجر انت مش ناوي ترجع !
سيف بحدة لا يا سمر مش راجع واقفلي بقى عشان مش فايق لك..
سمر بزعيق هو انا عملت ايه ! كل ده عشان بطمن عليك ! غلطت في ايه !
وقف سيف وبعصبية انتي مابتفهميش قلت لك مش راجع مش ناقصك خالص ... قفل سيف السكة ورمي الموبايل جنبه ..
سهير ليه كده يا سيف يابني هي ذنبها ايه 
سيف بضيق بتعاند ومابتفهمش قلت لها مش جاي خلاص تقفل وتبعد عني بقى ..
سهير بضيق لا انت غلطان وغبي ذنبها انها قلقانه عليك ! ذنبها انها بتطمن ! ده انت مش طبيعي يا شيخ .. لما انت كده مش عايز حد يسال عليك ولا يهتم بامرك معذبها معاك ليه واتجوزتها ! علي فكرة سمر دي خسارة فيك واديني بقولك نصيحة لانك زي ابني مش هتحس بقيمة الحاجة الا لما تروح منك .. وانت حر بقى ..
سيف واقف والضيق علي وشه ومش عارف يرد علي سهير لانه حس بكل كلمة قالتها انها صح وحس بالضيق ناحية سمر قطع تفكيره صوت سارة وحركتها في السرير بدات تتقلب وتفتح عينيها قامت وقعدت في مكانها وشافتهم كلهم حواليها وبدات في العياط .. قرب منها محمود وقعد جنبها ..واخد راسها علي كتفه ..
محمود بحزن حمدلله علي السلامة يا حبيبتي طمنيني انتي كويسة !!
بداوا كلهم يقولوا لها حمدلله علي سلامتك يا سارة وهي مش بتبص لحد فيهم خالص وباصه لتحت ..
قرب سيف من سارة ومسك ايديها حمدلله علي سلامتك يا حبيبتي ..
سحبت سارة ايديها وضمت بيها نفسها وماردتش علي سيف ..
اسلام بقلق سارة اتكلمي انتي ساكته ليه !
اتكلمت سارة من وسط عياطها وبصوت مخڼوق انا عايزة امشي من هنا ...
محمود ايه بتقولي ايه 
سارة بصوت اعلي عايزة امشي من هنا مش عايزة اقعد هنا خالص صوت سارة بدا يعلى ويعلى علامات الاڼهيار ظهرت عليها عايزة امشي من هناااااااااا مش عايزة اقعد هنااااااااااا ...
مسكها محمود جامد وبيحاول يهدي فيها وهي بټقاومه بكل قوتها ..
محمود اهدي طيب هنمشي هنمشي بس اهدي عشان خاطري ..
سارة بزعيق انت فاكرني عيلة هتضحك عليا انا همشي ودلوقتي حالا ..
حاولت سارة تفك تفسها من ايد محمود اللي محاوطها ولكن مقدرتش .. راح كريم يجيب حقنة مهدئة اللي بقت موجودة في بيت ابراهيم دايما وجه تاني عشان يديها لسارة ..
كريم امسكها كويس يا محمود ..
مسكها محمود جامد وساعده سيف وسارة بټعيط ..
سارة انتوا بتستقوا عليا عشان عارفين اني مش هقدر عليكم بتنيموني ڠصب ااااااااااااااااه ..
صړخت سارة لما حست بابرة الحقنة .. خلص كريم وضم لها ذراعها علي بعضه عرفت سارة ان مفيش مجال للمقاومة لانها ماهي الا دقايق وهتنام فقررت تستسلم ..
كريم بحزن تعالوا نسيبها يا جماعة عشان ترتاح ..
الاول رفضوا ولكن مع اصرار كريم وموافقة ابراهيم ليه كله خرج ما عدا كريم اللي سحب كرسي وقعد جنب سرير سارة ..
كريم بصوت مخڼوق عملتي كده ليه انقذتي ياسمين من ايديهم ليه !! مكنتيش مضطرة تعملي كده ..
ردت سارة بصوت ضعيف بسبب مفعول المهدئ عندك حق انا مكنتش مضطرة اعمل كده بس محبتش حد يعيش اللي انا عيشته حرام اللي بيجرب الاذى مش بيحب حد يعيشه بس للاسف انا اللي اتعاقبت علي ده وعشان حد مايستاهلش محدش يستاهل .. محدش يس......... نامت سارة واستسلمت لتاني مرة ....
......................
عدت ساعات وسارة نايمة طلع النهار ونزل اخوات ابراهيم كلهم يطمنوا علي سارة ومتجمعين في الصالة عند ابراهيم ... فاقت سارة لقت محمود نايم علي الكنبة جنبها واسلام فارش بطانية في الارض ونايم جنبها هو كمان قامت براحة ودخلت الحمام .. دقايق وخرجت وسمعت صوت في الصالة خرجت لاقت ابراهيم واخواته وولادهم بما فيهم كريم وياسمين اللي كانت قاعدة ماسكة في كريم پخوف .. وسيف كمان كان معاهم ..
وقفت قدامهم سارة وربعت ايديها وبسخرية متجمعين عند النبي ان شاء الله ..
وقف ابراهيم وقرب من سارة وحط ذراعه علي كتفها حمدلله علي سلامتك يا سوسو طمنيني انتي كويسة دلوقتي !!
سارة بضحكة سخرية كويسة !! هههه كويسة اوي متقلقش عليا يا بابا ..
ابراهيم بحنية عيلتك كلهم هنا عشان يطمنوا عليكي ..
سارة بضحك وقوة عيلتي !! ههههههههههه اي عيلة !! بعدت سارة عن ابراهيم اي عيلة دي اللي حضرتك بتقول عليها ! دول ! وشاورت سارة عليهم كلهم بقالي