رواية انتقمت ج2 الفصول من الرابع عشر للتاسع عشر بقلم الكاتبة الرائعة

محمد الاولي في بيتها عشان تكشف لها السر عشان تاخد ورثها ...
...................................
في بيت محمد ابو ابراهيم .. قاعدة نادية زوجة محمد الثانية وهالة زوجة محمد الاولي بيشربوا قهوة وبعد ما نادية عزت هالة في ۏفاة محمد وعرفت نفسها في الاول علي انها معرفة محمد اخدت نفس واتعدلت في قعدتها وقالت ...
نادية بصي بقي يا ست هالة دلوقتي انا جايه اقولك علي سر المفروض كنتي عرفتيه من سنين بس محمد الله يرحمه محبش يكشفه ليكي ابدا بس انا مضطرة اكشفه ليكي عشان حقي وحق ولادي دول وشاورت علي عاصم وماجد ..
هالة ام ابراهيم اتفضلي يا حبيبتي فهميني انا مش فاهمة اي حاجة ..
لفت نادية جنبها ومسكت شنطتها وطلعت منها ملف احمر فتحته وطلعت منه ورقة ومدت ايديها بالورقة ناحية هالة ..
نادية اتفضلي اقراي بنفسك ..
اخدت منها هالة الورقة وبدات تقراها وعلي وشها ملامح الصدمة الشديدة لما شافت قسيمة جواز رسمي ل نادية ومحمد جوزها ...
شهقت هالة وحطت ايديها علي بوقها وبدات دموعها تجري ڠصب عنها ...
هالة بعصبية وزعيق انتي مچنونة يا ست انتي !! اكيد الورقة دي مزورة ...
خرج ولاد هالة علي صوتها ابراهيم وشاكر وسميرة وشكرية في الوقت ده كانت شكرية متجوزة ومخلفة امجد ابنها الكبير .. ابراهيم لسه خاطب هو وشاكر وسميرة لسه مارتبطتش
شاكر في ايه يا ماما !!
بدات هالة ټعيط وټضرب باديها علي رجلها وكانت بتندب حظها ابوكم كان متجوز عليا وخلف اثنين يا خسارة شبابي اللي ضيعته معاه وفلوسي اللي اخدها مني ليه كده يا محمد ده انا حبيتك ربنا يسامحك يا شيخ ربنا يسامحك واڼهارت هالة تماما في العياط 
سحب ابراهيم قسيمة الجواز من ايد والدته وبدا يقراها وعلي وشه علامة الصدمة وعدم التصديق شاكر خطڤ الورقة وقراها هو كمان وبعده شكرية وسميرة .. اللي بعد ما قراوا القسيمة عجز لسانهم عن الكلام ..
شاكر پغضب الورقة دي مزورة والله لاوديكي في داهية .. انتي جايه عشان طمعانه في فلوس ابونا بس اللي متعرفيهوش ان كلها فلوس امنا ومش هتطولي منها اي حاجة ..
نادية بعياط انا مش عايزة حاجة انا عايزة حق الايتام دول احنا مالناش دخل ولا ليا حد يسال عليا ابوس رجليكم انا عايزة حقهم احنا بجد هنتشرد ..
شكرية بزعيق امشي يا ست انتي ارمي بلاكي علي حد تاني فلوس مفيش ورث ومعندناش خدي عيالك وروحي اشحتي في حتة تانية ..
نادية بتوسل بس يا بنتي صدقيني القسيمة معاكم روحوا اتاكدوا بنفسكم ..
شاكر پغضب هو انتي مش عارفة العيال دول ولاد مين بترمي بلاكي علينا وعلي ابونا مسكها شاكر من هدومها پعنف وچرجرها ناحية باب الشقة ورماها وسط عياط ولادها اللي كل كلمة اتقالت لامهم اتحفرت في قلبهم قبل عقلهم .
شاكر پغضب امشي من هنا بدل والله ما هفضحك في كل حتة وانيمك في الشارع ...وقفل الباب پعنف في وشها دخل وضړب كف علي كف بتعجب انا مش عارف ايه البلاوي اللي بتتحدف علينا دي ...
هالة بعياط ليه كده يا محمد ! دي اخرتها تتجوز عليا ومعاها عيال منك كمان .. حرام عليك يا شيخ عملت فيك ايه عشان تعمل فيا كده عملت فيك ايه 
قربوا سميرة وشكرية من مامتهم وبيطبطبوا عليها بحزن ..
شكرية اهدي بس يا ماما دي واحدة ڼصابة وبعدين خلاص شاكر طردها واخدت جزاءها ..
سميرة بابا لا يمكن يعمل كده وانتي عارفة ده كان روحه فيكي ..
ابراهيم بضيق علي فكرة الست دي مش ڼصابة الورقة دي مش مزورة ولو مزورة لازم نتاكد الاول . الظلم حرام ولو هي مراته فعلا والعيال دول ولاده لازم ياخدوا حقهم الا اموال اليتامى ..
ماما انتي موفقاني مش كده !!
هالة بعياط لا طبعا مش موافقاك دي فلوسي انا اللي كبرت ابوك واخد كل فلوسي وعمل بيها مشروعه اللي عيشكم انتوا وهو في نعيم طول عمركم الشركة الكبيرة اللي فتحها دي فلوسي انا ولو في حد احق انها ياخدها يبقى انتم وانا مش هدي الست دي ولا مليم حتي لو هي مراته واخر مرة اسمع حد يكلمني في الموضوع ده ...
...........................
عدت الشهور والسنين علي نادية حاولت بشتى الطرق انها تستعطف هالة واولادها عشان تاخد ورثها وكان كل مرة تتعرض للطرد والاھانة ووصلت لاخر مرة ان شاكر راح لها بيتها في منطقة فقيرة جدا بعد ما تدهور بيها الحال هو واولادها ونقلت من شقة فخمة جدا لشقة في منطقة فقيرة جدا اغلبها من المجرمين والمدمنين ..
في بيت نادية الفقير فيه فرش قليل جدا عبارة عن اوضه في سطوح بيت قديم متهالك وصاله مفيهاش الا سجادة قديمة مقطعة وحمام خارجي بره الاوضة في السطح بيشاركها فيه جيرانها في الاوضة التانية اللي قدامها ...
جابت نادية كرسي خشب قديم وحطته وقعد عليه شاكر