رواية انتقمت ج2 الفصول من الثامن للثالث عشر بقلم الكاتبة الرائعة

او ماڤيا ويتم تعذبيهم بحاجات زي كده ...
كريم انا فعلا استغربت كلامه كان بيقولي احط مادتين علي بعض اللي احنا متحذرين من انهم يتاخد ادوية زي كده سوا لنفس المړيض لا ويقولي في الوريد يعني ايه لو حاجة مضرة يبقي جاب من الاخر ...
سيف الحمدلله ربنا سترها ...
فجاة اتفتح باب الاوضة وكان آسر اللي سيف كلمه بعد اللي حصل ..
آسر سيف تعالى كده لحظة بص علي الفيديو ده .
سيف وقام انت لحقت تفرغ الكاميرات كريم هروح مع اسر ولو سارة فاقت كلمني .. وراح سيف مع اسر ..
...............................
في بيت سميرة وحسام ... سميرة في اوضة حسام وبتفتش فيها ...
سميرة ما هو انا لازم اعرف الظرف ده فين او فيه ايه 
وفجاة لقت الظرف تحت هدومه ..فتحته سميرة وشافت صور سارة ومن الصدمة الصور وقعت منها ....
حسام ودخل اوضته وشاف صور سارة علي الارض وجري يلمها ماما انتي بتعملي ايه 
سميرة بفزع ايه الصور دي 
حسام بتوتر انتي بتفتشي في حاجتي !!!
سميرة ومسكته من هدومه ووقفته وبحدة انا بقولك ايه الصور دي 
حسام صور اتبعتت لي وماعرفش من مين ...
سميرة وضړبته علي وشه بالقلم وبكل حدة انا مش بحب سارة اه ومش عايزها وسطينا لكن انك تركب عليها صور زي كده وبالحقارة دي انا متخيلتش اني ممكن تكون كده اوي ..
حسام اهدي بس يا ماما ايه اللي انتي بتقوليه ده !! انا هركب الصور دي ليه اصلا 
سميرة وبدات ټعيط انا منستش منستش اللي عملته حرام عليك البت مش ناقصة ابعد عنها يا حسام وقسما برب العزة ان اذيت البت دي والله لا انت ابني ولا اعرفك ..
حسام بزعيق بس بقي ايه اللي انتي بتقوليه ده ده ال اللي خطڤها هو اللي بعت لي الصور دي عشان اسيبها انتي فهمتي ايه وبعدين انتي لسه فاكرة الحوار ده !! ما تنسي بقي وتسامحي ده ربنا بيغفر ويسامح انتي لا ...
سميرة بعياط مش مصدقاك بس مش هقولك غير انك لو اذيتها يا حسام قلبي وربي غضبانين عليك ... وخرجت وسابته وهي مڼهارة ..
حسام بضيق ورمى الصور كلها في الارض ومسك الطفاية اللي جنب سريره رماها علي المراية واتكسرت ....
..................................................
في المستشفي في اوضة الامن ...
سيف مين الست دي هي اللي حقنت سارة بحاجة اه يا بنت والله لاوريها .. بص سيف لظابط الامن اللي معاهم ... دي ممرضة هنا في المستشفي 
ظابط الامن حضرتك هي مش باين ملامحها ...
نجاة بتوتر انا .. انا اعرفها ..
اسر مين دي انطقي ..
نجاة بس هي ممكن ټتسجن !
سيف بضيق ومسكها من ذراعها پغضب انتي مالك انطقي مين دي بسرعة 
نجاة پخوف دي عبير ممرضة معانا هنا عرفتها من جسمها وطرحتها اللي مابتلبسش غيرها ..
سيف وشد نجاة من ايديها پعنف وماشي من الاوضة تعالي وريني فين الزفتة دي ....
مشي سيف واسر ونجاة لاوضة الممرضات وسالوا عن عبير مالقوهاش .. خرجوا الاستقبال بلغوهم ان شغلها خلص ومشيت من بدري ...
سيف بحدة هات لي عنوانها حالا ...
وبالفعل موظف الاستقبال جاب عنوانها وراح لها هو و آسر .....
......................................................
في اوضة سارة ...............
بدات تتحرك سارة في سريرها پألم ....كريم وقام وقف جنبها وبيجس راسها وبيطمن من حرارتها ..بدات سارة تفتح عينها وشافت كريم ..
سارة بضعف انت مين !!
كريم بقلق هو مين اللي مين انتي مش عارفاني !
سارة لا مش شيفاك كويس انت ابية كريم ..
كريم وبيتنهد حرام عليكي يا شيخة فزعتيني قولت البت فقدت الذاكرة ولا ايه ! ما هو ده اللي ناقصك يا سارة ..
سارة ليه هو ايه اللي حصل وهفقد الذاكرة ليه 
كريم انتي نسيتي كنتي عاملة ازاي من شوية 
سارة ازاي مش فاكرة .. ابية انا عطشانة اووي .
كريم بلاش تفتكري احسن ... طلع كريم موبايله من جيبه واتصل علي سيف ..
كريم سيف انت روحت فين 
سيف بشوف الزفته اللي حقنت سارة ليه 
كريم عايز اعرف سارة ينفع تاكل او تشرب ولا لا 
سيف استني خليك معايا ... آسر اتصل لي بمهاب واساله سارة ينفع تاكل او تشرب ولا لا ..
وبالفعل اتصل آسر بالدكتور مهاب اللي عرفه لو عدت ساعة وهو مؤشرات جسمها كلها كويسة عادي ...
سيف عادي يا كريم طالما هي كويسة ومؤشراتها كويسة .. هي فاقت 
كريم اه فاقت ومش فاكرة اللي حصل .. وهي كويسة الحمدلله . لو في جديد بلغني .. سلام
سيف اوك سلام ...
............................................
عند عاصم .................
عاصم ههههههههههههههههههههههههههه والله لاوريها العڈاب اشكال والوان عشان حتة العيلة دي تضيع مني اخويا واغلي حاجة في حياتي .. بس هي شافت مني حاجة امال لو عرفت الجهاز اللي حطيناه .. هههههههههههه
شادي تستاهل حد قالها تلعب معانا ...
عاصم خلي بالك اللي مقوي ظهر البت دي سيف من غيره هي ولا حاجة