رواية انتقمت الفصول من 21-25 بقلم الكاتبة الرائعة

ايده جامد ولقي سارة وقعت مغمى عليها شالها بسرعة مصطفي وطلعها علي بيتهم ... بعد دقائق نزل خالد يدور علي سارة مش لاقيها وسيف كمان مش موجود فقرر يتصل علي ابراهيم .
ابراهيم بزعيق يعني ايه طردها !! هو بيت ابوه عشان يطردها !! طيب هي فين دلوقتي 
خالد مش عارف نزلت مالقتهاش ولا سيف كمان
ابراهيم اقفل وانا جاي حالا ...
اتصل مصطفي بمحمود وعرفه باللي حصل ومحمود قرر يرجع بيته وساب باباه في المستشفي بعد ما طلبوا الدكاترة حجزه لان حالته اتدهورت اوي ... وكلم اسلام يقابله هناك من غير ما يحكيله حاجة بس اسلام حس ان في مشكلة وساب كليته ورجع هو كمان
..............................
اسلام ومحمود وصلوا بيت محمود ..............
محمود السلام عليكم
مصطفي وعليكم السلام .. تعالي يا اسلام مفيش حد غريب
اسلام السلام عليكم
الكل وعليكم السلام
اسلام هو ايه اللي حصل !
مصطفي حكي اللي حصل انه كان رايح لهم علي المستشفي وشاف سارة وسيف ماسكها من ايديها وواخدها وكمل بقية اللي حصل
محمود ايوة مانت حكت لي كده .. انا عايز اعرف اللي حصل مع سارة اصلا
مصطفي لما تفوق بقي تحكي لكم اللي حصل مالحقناش نعرف اللي حصل...
سيف اسف لتدخلي .. بس المشكلة تقريبا ليها علاقة بخالد لانه رجع البيت وقال انه كان ناسي الموبايل وشوية ونزلت سارة مڼهارة بلبس البيت وبتجري وعايزة تمشي وخلاص
اسلام بضيق اه يا
الفصل الثاني والعشرون......
اسلام بضيق اه يا ابن ال هي ناقصة اشكال ... ماشي انا هربيك يا خالد وقام اسلام عشان يروح لخالد ...
محمود استني بس يا اسلام .. ليه التسرع في الحكم .. مش نفهم الاول اللي حصل ..ما يمكن يكون في حاجة بلاش ظلم انت عارف سارة حساسة شوية وخالد يعني شكله محترم يعني وكم......
قاطعه اسلام بزعيق بيقولك في البيت ولوحدهم وخرجت بټعيط بهدوم البيت وتقولي بلاش ظلم ياشيخ اوعي ....
ومشي اسلام وجري وراه محمود ومسكه سيف وقاله خليك هنا عشان سارة لو فاقت ماتخافش البيت بردو غريب والناس كمان غرباء عليها وانا رايح مع اسلام ....
نزل اسلام وراح لبيت عمه وخبط علي الباب پعنف فتحت سهير دخل اسلام وزق الباب جامد وشاف خالد قاعد مسكه من قميصه پعنف وضربه لكمة علي وشه وقال عملت لها ايه يا انا ھقتلك
مسكه بسرعه سيف وابراهيم ومحمد وبعدوهم عن بعض .....
ابراهيم بتعجب اهدي يا اسلام ... خالد ماله بس باللي حصل !!!
اسلام بعصبية انت عملت لها ايه خلاها تنزل بالمنظر ده من البيت .. انطق
خالد بتعجب عملت ايه ولمين انا مش فاهم حاجة ...
محمد اسلام شكل في سوء تفاهم في الموضوع اقعد بس واحنا لسه بنسمع من خالد اللي حصل اصلا ...
قعد سيف واسلام اللي كان واصل لقمة غضبه وبدا خالد يحكي اللي شافه من ساعة ما شهد ضړبت سارة لحد ما شاكر طردها
اسلام بضيق بقي الموضوع كده ... انا قلت نمشي من هنا حضرتك رفضت يا عمو احنا لينا كرامة وماحبش نقعد في مكان نكون مرفوضين فيه .. عن اذنكم
ابراهيم استني بس يا اسلام ..اهدي بس .. المشكلة سارة فين دلوقتي 
سيف سارة عند محمود في البيت انا وديتها هناك انا ومصطفي اخو محمود ..
ابراهيم يلا هنروح لها دلوقتي .. يلا
كله بدا يتحرك علي بيت محمود ...
في بيت محمود ...
سارة فاقت وحكت لمحمود اللي حصل وزادت في عياطها وۏجع قلبها اللي بيثبت لها انها ضاعت بعد اهلها اللي فقدتهم .. فقدت السند والحماية .. عرفت ابوها كان بيحميها من ايه .. مخبي عنهم ايه من الدنيا .. اللي عرفت انها وحشة اوووي ..واخدها محمود في حضنه وسارة بيزيد عياطها ...
وصلوا ابراهيم ومراته واولاده وسيف واسلام لبيت محمود واستقبلهم مصطفي وطلبوا انهم يشوفوا سارة وقعدهم وقال ثواني هناديها هي ومحمود ...
مصطفي خبط علي اوضة محمود ..
محمود ادخل
مصطفي محمود عمكم ابراهيم بره وعايزك انت وسارة ..
سارة پبكاء لالالا انا مش هخرج لهم لالا عشان خاطري يا محمود ...
محمود مټخافيش انا معاكي ومحدش هيقدر يعملك حاجة متقلقيش
خرجت سارة ڠصب عنها ومحمود ماسك ايدها بيضغط عليها بيطمنها....
والكل بيبص لسارة كانها دخلة جلسة استجواب