رواية انتقمت الفصول من 21-25 بقلم الكاتبة الرائعة

تكوني جايه معايا بمزاجك مش ڠصب
لحظات وكانت سارة اغمى عليها قبل ما تحس يأي حاجة... وفضل ماجد في حضنها لحد ما نام هو كمان وبردو ماعتداش عليها ....
فتحت سارة عنيها تاني ووقفت ولقت نفسها في الشارع علي طريق كله عربيات مفيش اي مباني او محلات وكأنه طريق سريع حاولت تجمع قوتها عشان تمشي وكانت الشمس قربت تغيب وكانت خاېفة انها تكون لوحدها في مكان زي ده ... قررت تقف قدام اي عربية تشاور لها وبالفعل شافت عربية جاية من بعيد طلعت علي الطريق وقعدت تشاور وصاحب العربية وقف قدامها بمسافة قريبة جدا وهي غمضت عنيها وحطت ايديها علي راسها وللحظة كانت متاكدة انه هيخبطها ....
نزل صاحب العربية من عربيته وبفزع انتي كويسة يا انسة !! انتي ايه اللي موقفك هنا !!
سارة بتتنهد انها سليمة انا اسفة بس انا عايزة اروح ممكن ارجوك توصلني بيتي او توديني لاقرب حتة اعرفها ...
صاحب العربية طبعا .. انتي عايزة تروحي فين 
سارة عايزة اروح 
صاحب العربية يااااااه ده بعيد اوي عن هنا ... بس مش مشكلة ده قريب من بيتي ... اتفضلي ...
سارة انا متشكرة اوي ... انا اسفة جدا انا عملت لك ازعاج ..
صاحب العربية لا ولا يهمك .. انا حسام وانتي 
سارة بتردد سارة ..
حسام بس انتي ايه اللي جابك هنا ده طريق سفر ولوحدك وفي الوقت ده ..
سارة وبصت في الارض وبدات دموعها تنزل ..
حسام وبدأ يفهم انا اسف خلاص سحبت سؤالي ... عايزة الموبايل تكلمي حد من اهلك 
سارة بعياط للاسف مش حافظة رقم حد فيهم ..
حسام مش مشكلة احنا كل الحكاية ساعة بالكتير وهنكون عندهم
بعد مرور ساعة قربت سارة من بيتها وبتوصف الطريق بالظبط وحسام علي وشه علامات الاستغراب ..
سارة بتعجب في حاجة يا استاذ حسام 
حسام حضرتك بتوصفي طريق بيتي .. احنا جيران !! انا اصلا من ساعة ما ركبتي معايا وانا حاسس اني شوفتك قبل كده
سارة وبترفع كتفها بعدم معرفة انا مش عارفة ماشوفتش حضرتك قبل كده ...
وصلوا عند بيت ابراهيم بصت سارة لحسام بيتي هنا انا متشكرة جدا واسفة لتعبك مرة تانية ...
حسام لالالالا .. استني انتي ساكنة هنا !!
سارة بقلق ايوة في حاجة !!
حسام ده بيتي بردو ... انتي تقربي لحد هنا !
سارة ايوة استاذ ابراهيم يبقي عمي ..
حسام لالالا .. استني انا كده هتجنن .. عمك ازاي ابراهيم ده خالي يعني انتي بنت خالي وانا معرفش ..
سارة انا مش فاهمة حاجة
حسام ولا انا ... تعالي نطلع عند عمك ابراهيم ونفهم ...
طلعوا الاثنين البيت وسارة قلقانه من حسام ده وبتبص له پخوف وخبطوا علي الباب وفتح اسلام ..
اسلام بفزع سااااارة .. واخدها في حضنه وضمھا بشدة وخرجها تاني وبيفحصها كلها انتي كويسة .. طمنيني انتي كويسة 
سارة بعياط كويسة الحمدلله ...
اسلام انتي جيتي ازاي وماجد سابك ..احمدك يااارب ...واخد سارة في حضنه وضاممها بشدة ..
اسلام وبدا يلاحظ وجود حسام لا مش معقولة حسام ... ازيك يابرنس انت رجعت امتي من اسبانيا 
حسام وبيسلم علي اسلام امبارح وعديت علي امي في البلد وسبقتها وجيت علي هنا ...
سارة اسلام انت تعرفه 
اسلام اه ده حسام قريب محمد وخالد يبقي ابن عمتهم طنط سميرة ... ااه وابن عمتنا احنا كمان ...
حسام ايوة .. احنا كمان ... يعني ايه بقي 
اسلام طيب وقفتنا عالسلم طولت ندخل بقي عشان يطمنوا عليكي ... ونفهم بعدين ...
دخلوا الثلاثة وكلهم سلموا علي سارة واطمنوا عليها وكمان سلموا علي حسام اللي بان علي خالد ومحمد مضايقتهم الشديدة لما شافوه ......
مرت ساعة قامت فيها سارة تاخد دش وغيرت هدومها واستاذنت سهير تاخد الهدوم اللي كانت لابساها وترميها ټحرقها اي حاجة المهم انها تبعد عن وشها لما افتكرت هي لبستها ازاي والاھانة اللي اتعرضت لها من الرجالة اللي خطڤوها ومقاومتها الشديدة اللي انتهت بضربها بشدة علي راسها وده خلاها يغمى عليها ...
خبط الباب عند ابراهيم وكان سيف وطبعا كان عرف من رجالته ان سارة رجعت البيت....
محمد اتفضل يا سيف ..
سيف سارة فين !!
محمد طيب وعليكم السلام