رواية بسبب الشبه الفصول من الثالث عشر للسادس عشر بقلم الكاتبة الرائعة

لا بس يعنى انا مثلا أسمى نور لكن عايشه حياتى كلها مستخبيه ف ضلمتى مليانه غموض وابسط تفصيله ف حياتى سر كبير مرهق لازم افضل مخبياه طول حياتى لا حد يعرف بشتغل ايه ولا بروح فين ولا عندى صحاب حياه كئيبه اوى على انها تكون لنور انا شخصيا معرفش حد اسم على مسمى غير امى امل وهى املى ف الدنيا الوحيدة اللى بتخلى عندى امل ف بكرة ورغبه انى اعيش بصراحه لولاها مظنش كان هيبقى عندى سبب اعيش عشانك لكن الباقين بقا اسمهم ملوش علاقه بيهم نهائى يعنى معتز مثلا لا معتز ولا نيله دا اكتر بنى ادم نعامه انا شوفته ف حياتى طول الوقت هربان من اى مواجهه مش ضعف منه قد ما هو ۏجع انا بعترف أن اللى شافه مش سهل ابدا بس مش معتز بنفسه ولا باللى وصله ولا بأى حاجه ولا سليم برضو سليم دا اكتر بنى ادم متكسر ف الكوكب كله ياحبيبى قلبه مفهوش حته سليمه اصلا ولا فريدة قال فريدة قال لما هى فريدة انا ابقى ايه لا مميزة ولا متفردة باى حاجه شخص عادي جدا لا اقل من العادى كمان لولا الميكب واللبس والفلوس مكنش حد هيعرفها اصلا يعنى دى لو مشيت ف الشارع دلوقتى محدش هياخد باله منها اساسا ولا من وجودها أما جمال بقا ف دا اكتر شخص عكس اسمه دا كان المفروض يسموه واطى جبان ندل انما اى الجمال فيه دا حشاش وحرامى لا عندة قيم ولا مبادئ ولا فيه ريحته الجمال اصلا اينعم هو شكله حلو بصراحه منكرش وعيونه الزرقاء دى شبه البحر بس الشكل مش بأيدينا دى خلقه ربنا وإيمان كمان دى ساخطه على حياتها وشاكه ف صوابعها ومعندهاش لا ثقه ولا ايمان بأى حد يمكن دا بعد اللى جمال عمله فيها انا معرفهاش قبل يمكن حتى سمر وسمير ولاد عمتى سعاد دول مفهومش ريحته السمر ولا السعادة من اى ناحيه دول عقربه واولادها العقارب الصغيرين انا مش عارفه بفكر كتير انهاردة ليه يمكن بدور على اى حاجه تخلينى ضميرى ميأنبنيش بس ال over thinking زاد اوى انهاردة انا بقيت بهرب من نفسى مش عاوزة اسمع صوت قلبى يمكن عشان عارفه أنه هيلومنى انى بعلق جمال بيا انا مشفقه عليه بجد من اليوم اللى هيعرف فيه أنه متجوزش ولا لما يعرف انى مش فريدة اصلا اكيد هيتنكس تانى ويرجع اسوء من الاول يارب اكرم دا يعرف يعالجه كويس ويخليه يقدر يتخطى دا طب لو هو عرف يتخطى كل دا ياترى انا هعرف اتخطاه ! انا عارفه أنه مش شخص مناسب بالإضافة إلى أن انا اصلا ف مهمه يعنى بس حتى لو قابلته برة كل دا مظنش كان هيبقى فى امل بردو ليه كدة ! ليه اعيش وحيده ويوم ما قلبى يتعلق بحد يتعلق ب اكتر شخص مش مناسب ليا ف الكوكب كله ! يارب اكيد ليك حكمه ف كل دا يارب ساعدني
فى عربيه هانى 
معتز تفتكر صدقت !
هانى فريدة مش اشطر ممثلة عندنا بس هى المتاحة دلوقتى و اهى تفى بالغرض وخلاص المهم انك متسبش فرصه لعمتك واولادها أنهم يقربو اوى ويعرفو أنها مش نور 
معتز ربنا يستر بقا 
هانى هيستر أن شاء الله المهم انت تستر معانا ومتفضحناش وتقعد تسبلها يااستاذ اتعامل أنها نور فاهم !!
معتز كان نقصنى اكشن اصلى أما الحق اكلم سليم ونور واعرفهم قبل ما اموله تكلمهم وتكشفنا 
هانى اه جدع خليك مصحصح كدة كلمه بسرعه يلا 
فى الشاليه 
كان الجميع يجلس على طاولة الطعام يتناولون جميعهم الغذاء فى سكوت تام فقد كان يوما عصيبا عليهم جميعا
رن هاتف سليم برقم يعرفه جيدا فذهب بعيدا ليرد 
معتز فينكم
سليم بنتغدا 
معتز نور جنبك 
سليم جوة 
معتز طيب اسمع وافهم كويس اللى هقوله عمتى جايه وهتقعد معانا كام يوم وماما رافضه أنها تيجى ونور مش ف البيت فاضطرينا نكمل ب فريدة دلوقتى لو ماما كلمتك أو كلمت نور على موبايلك أو موبايل فريدة نور مش عندك نور بدلت ورجعت البيت واللى عندك جوة دى فريدة فهمت !! 
سليم اى الساسبنس دا كله ليه كل دا اصلا  
معتز معلش ظروف اعمل بس اللي بقولك عليه 
سليم تمام ماشى  
قاطعته نور وهى جايه وراه اى اللى حصل 
معتز دى نور ادهالى طيب 
نور فيه ايه 
قص عليها معتز بشكل سريع ما حدث وكيف أن فريدة ستأخذ مكانها جديا وان عليها أن تسرع المهمه قبل أن تتعقد الأمور أكثر 
نور وهى صدقت 
معتز نتعشم من الله 
نور مازحه خلى بالك لو اتكشفت وضعها هيبقى اصعب من وضعى بمراحل انتو وقعتو ف اللى مبترحمش
معتز والله عندك حق انا خاېف من الحجه لو عرفت