رواية بسبب الشبه الفصول من الاول للرابع بقلم الكاتبة الرائعة
المحتويات
مقدمه...
حكايتنا بتدور بين دنيتين مختلفين وبطلتين مختلفين بينهم سر كبير هيضطر كل واحد فيهم أنها تسيب حياتها اللي بتحبها وتعيش مكان التانيه ويستغلوا الشبه اللي بينهم عشان يخفوا السر دا عن كل اللي حواليهم
الابطال
نور نور رائد ف القوات الخاصة شغلتها الحماية وقوتها وشجاعتها خليتها من اشطر الضباط ف القسم كله عل الرغم من كونها بنت بس عمر ما حد حس ب كدة بسبب اهتمامها بشغلها بس وجديتها ف التعامل مع الكل حتى أهلها
فريدة عكس نور تماما بنت رقيقه وهاديه شبه البسكوتة كانت ف كليه فنون جميله و بعد وفاه باباها ومامتها ف حاډثه كان عمرها لسه ٢٠ سنه راحت عاشت مع جدها رجل الأعمال الكبير هاشم المصري هو اللي رباها من اول وجديد وډخلها دنيا الأعمال والتجارة اللي عمرها ما ناسبت رقتها وعارض تماما أنها ترسم واجبرها تحول لكليه إدارة الأعمال عشان تقدر تشيل الحمل الكبير من بعدة
جمال حسين رجل اعمال غني ومدلل وحيد والديه دلعهم ليه خسرهم كل ثروتهم والحل الوحيد عشان يستردوا وضعهم ف السوق هو جوازه من فريدة المصري ودمج شركاتهم سوا قبل ما يعلنوا افلاسهم
الفصل الاول
المشهد بيدور ف مكتب اللواء امجد المالكي رئيس قسم العمليات الخاصة
امجد متحدثا في الهاتف متقلقش يا ضياء بيه العملية هتم ف منتهى السرية انا هكلف بيه اكفأ ضابط ف القسم عندي
عل الهاتف مش مسموح بالغلط يا امجد أي غلطه بمۏت .
امجد اطممن يا فندم دي مش اول مرة ...
بعد إنهاء المكالمة امجد رن الجرس ودخل عسكري
امجد الرائد نور وصل ولا لسه .
العسكر لسه يا فندم.
امجد بمجرد ما توصل تبقى عل مكتبي فورا بدون أي تأخير .
العسكري تمام يا فندم.
ف بيت فريدة المنبه بيرن بتطفيه وتكمل نوم وبتدخل من الباب دادة زينب المربية بتاعتها...
زينب ما كفايكى نوم بقا يا كسلانه جدك عامل زعابيب من الصبح يلا اصحى .
هاشم من وراها بزعيق مالها السيرة يا هانم .
نطت فريدة من السرير پخوف ووقفت قصاد جدها بسرعه لا ملهاش طبعا مكنتش اقصد والله انا بس راحت عليا نومه كنت بخلص الشغل المتأخر بليل حالا هكون جاهزة .
هاشم پغضب اكبر بيطلع لوح رسومات لفريدة شغل بردوا يا هانم ولا بترسمي انا مش قولت القرف دا ميخشش القصر عندي مفيش فايدة فيكي.
هاشم مشى عل المطبخ وفريدة جريت وراه لكن ملحقتهوش ومقدرتش تمنعه وهى شايفه رسوماتها كلها بتتحرق قدام عينها....
هاشم بصلها بحدة دي آخر مرة هحذرك معاكي ربع ساعه وتكوني عل مكتبك ف الشركة.
فريدة مسحت دموعها وطلعت اخدت شاور ولبست بدله كالعادة جدها بيكره البنات ولبسهم وفساتينها وألوانها زي ما بيكره رسوماتها خلصت وخدت عربيتها وطلعت عل الشركة.
ف مكتب امجد
نور. أيوة يا فندم بس دي مش قضيتنا احنا ملناش علاقه لا بالبنت اللي هيقتلوها ولا بالناس اللي عاوزين ېقتلوها .أي اللي يورطنا بين ماڤيا رجال الأعمال دي.
امجد. انا مبناقشكيش يا سياده الرائد دا أمر مطلوب منك حمايه البنت دى ولو كلفك الأمر حياتك البنت دى حياتها مهمه عندنا اوى دلوقتي مش لازم يمسها أي حاجه
نور. تمام يا فندم محتاجه اعرف شويه معلومات عنها عشان اقدر احميها
امجد . كل اللي هتحتاجى تعرفيه موجود في الملف دا اقريه ف الطريق وعندك حريه تختاري الفريق اللي هيكون معاكي ف العملية دى بس لازم تروحيلها دلوقتي مفيش وقت عرفيها بنفسك وبمهمتك بمنتهى السرية.
نور عملت التحية وخرجت..
______
جمال ف مكتب هاشم اللي حضرتك تشوفه انا معنديش مشكله في المهم بس فريدة توافق .
هاشم فريدة رائيها من رائ ومدام انت موافق يبق جهز كل التحضيرات فرحكو اخر الشهر ...
ف العربية نور ومعتز متجهين للشركة عشان يبدؤوا عمليتهم
متابعة القراءة
