رواية انا له الفصل الرابع
المحتويات
لقيت محمد شد جنة من ايدي ووقفها جمبه ومسك ايدها
_ انا وجنة بنحب بعض وهنتخطب قريب
الكلمة نزلت على قلبي قسمته اتنين حطيت ايده على شفايفه
عشان ميكملش
_اسكت متقولهاش... اسكت
شال ايدي واتكلم تاني
_ نورا انا اسف بس انا حبيتها هي
ضړبته بالقلم على وشه مكانش قلم واحد انا فقدت اعصابي
و فضلت اضربه كتير وانا پصرخ
ليه تأذيني فيك
وقعت على الارض وانا مڼهارة نزل لمستوايا ومسك ايديا
_ انا اسف
زقيته بعيد ووقفت تاني
بدأت كل حاجه توضح قدامي
لقيت اجابة لكل الاسئله اللي كانت بتدور في دماغي الفترة اللي فاتت
ابتسمت بۏجع
_الف مبروك... الف الف مبروك
مشيت بسرعة قبل ما حد منهم يرد وطلعت برا البيت كله
فين... انا خسړت وجنة اخدت مني كل حاجه
احساس الخذلان صعب اوي.. توقعت الاذى من الكل الا منه
عمري ما تخيلت انه ممكن يأذيني ويكسرني بالشكل دا
كنت ماشية بعيط ومش شايفة قدامي
فجأة لقيت نفسي في الارض مش عارفه ايه اللي حصل
كان باين على وشه القلق
_انتي كويسه... نروح المستشفى
مردتش عليه وقومت وقفت بلهوجة
و مشيت من وسط الناس اللي اتلمت واللي كانت بتسأل
انا كويسه ولا لأ... كانت خبطة بسيطة محصلش ليا حاجة
مشيت من غير ما ارد على حد
وصلت للبحر ومكنش في حد غيري في المكان
احساس انك خسړت كل حاجه... انه مبقاش ليك حد في الدنيا دي
ان الكل بيسيبك... هو انا ليه الكل بيسبني!
فضلت امشي ناحية البحر لحد ما نزلت والماية غطت جزء كبير مني
كانت محاولة اڼتحار بدون وعي مني... فجأة حسيت بحد بيشلني
وبيشدني بعيد... افتكرت انه محمد بس طلع نفس الشاب اللي خبطني بالعربية
يلحقني... طلعني من البحر ولقيته مسكني من دراعي وبيهزني
_انتي مچنونة... كنتي عايزة ټموتي نفسك
زقيته و زعقت بصوت مبحوح
_ انت مالك بيا... مسبتنيش اڠرق ليه
مموتنيش ليه بعربيتك
لقيته زعق اكتر مني
_ ايه اللي يخليكي عايزة تنهى حياتك بالشكل دا
في الناس اللي بتحبك..انتي ليه انانية كدا
اڼهارت وانا پصرخ فيه
_انا مليش حد... مفيش حد بيحبني معنديش اهل
كلهم بيسبوني ويمشوا... مبقاش ليا حد
قلت كدا ودوخت كنت هقع لكنه حاوطني بإيده ولحقني
اخر حاجة شوفتها كانت وشه وبعدها معتش حسيت بنفسي
نيرة وائل
_______________________
_ انت ازاي هتخطب جنة وانت عارف انه نورا بتحبك
_عشان انا بحب جنة يا بابا ..... بحبها من زمان لما كانت بتيجي مع عمي
_ طيب ونورا
اتنهد وهو بيرجع شعره لورا
_نورا بالنسبالي زي اختي اتربينا سوا كانت حد ضعيف وانا دايما اللي بحميه حد محتاج ليا طول الوقت.... بحس دايما انها مسؤلة مني
متابعة القراءة
