رواية جديدة قوية ج2 الفصول من الاول للرابع بقلم الكاتبة الرائعة

يشعر بها على وجهه فتح عينيه فرأى زوجته تحمل ورة بيدها وتمشيها على وجهه نظرة له بحب وقالت
_ صباح الخير 
ابتسم لها ثم استقام وقال
_ صباح النور هي الساعة كام 
_ خاشة على اتناعشر 
_ ايه يا نهر ابيض انا عندي اجتماع مهم 
نهض من سريره ليتجه ليستعد ولكنه توقف عندما سمعها تناديه 
_ جاد 
_ ايوة يا اية 
اقتربت منه وقالت
_ احنا معادنا النهاردة عند الدكتور متنساش 
_ بجد انا ناسي موضوع الدكتور دا خالص 
اية بحزن 
_ وانت امتى بتفتكر حاجة بتخصني
اقترب منها جاد وامسك يديها وقال
_ ايه الي بتقوليه دا يا اية 
اية پبكاء 
_ انت دايمن مشغول ونادر لما بشوفك انا أحيانا بحس انك مش بتحبني 
جاد وهو يقبل يديها ويبتسم لها 
_ هي هرومنات الحمل هتطلع عليا 
اية بابتسامة رقيقة 
_ انت زي مامتك 
_ هدهد مالها 
_ بتقولي اني حساسة جدا اليومين دول وبعيط من اية حاجة 
جاد وهو يضحك
_ ههههه الصراحة هي عندها حق 
_ اعمل ايه بقا ... دمعتي قريبة اوي ومن اي حاجة بعيط انا ماكنتش كدا 
_ معلش يا حبيبتي دا بسبب الحمل 
نزل لمستوى بطنها المنفوخة وووضع يده عليها وقال
_ انت يا بني مش هتعقل بقا كدا تخلي ماما ټعيط وتزعل مننا كلنا 
ابتسمت بسعادة بعد فعلته وقالت
_ طالع شقي لباباه
وقف جاد وبدأ بمسح دموعها وقال 
_ ممكن مراتي حبيبتي تحضرلي الفطار على مااجهز 
نظرت له اية وقالت
_ انا بجد حبيبتك 
_ طبعا حبيبتي ومراتي وام ابني 
_ يعني انت بجد بتحبني يا جاد انا عمري ما حسيت بكدا 
_ انتي بتقولي ايه بس لا انتي حالتك بقت صعبة اوي ولازم نشوف حل 
_ يعني ايه 
_ يعني ممكن لو مراتي حبيبتي تكرمت تقبل اني اعزمها على العشا الليلة علشان نشوف موضوع الحب الضائع دا 
_ هههه انت بتهزر 
_ لا بجد ايه رأيك 
_موافقة طبعا 
_ يبقى خلاص جهزي نفسك الليلة
_ اه صحيح هي ياسمين راحت الجامعة 
_ أيوة نزلت وكانت مبسوطة اوي بالسيارة الجديدة 
_ بس يارب ما تعمل حاډثة وټموت حد 
_ هههههه لا ما تقلقش هي حريصة اوي عليها 
ابتسمت له ثم غادرت اما هو اختفت ابتسامته فور خروجها وتنهد جلس على سريره وهو يخاطب نفسه هو لا يكرهها فهي زوجته ولكنه لم يحبهاولم يعشقها ماذا يفعل بقلبه الذى اغلق ولم يعد لديه القدرة على ان يعشق غيرها يعاملها بمودة حتى انه لم يتركها حينما اكتشف مشكلة الانجاب التى عانت منها ببداية زواجهم وبقى بجانبها حتى عالجها وحملت ولكنها لم تستكفي بذلك فهي تريد الحصول على قلبه ولكن للاسف لا يوجد مكان في قلبه لاثنتين ... فقلبه لم يحب ولن يحب غيرها
كانت تمشي بسرعة فقد تأخرت سمعت صوت صديقتها مريم وهي تناديها 
_ هديتي حيلي ربنا يهدك انت بتجري ليه 
_ معلش يا مريم متأخرة اوي على المحاضرة 
_ وايه الي أخرك يا برنسيسة 
_ السيارة الجديدة 
_ ازاي مش فاهمة 
_ عارفة انا ندمت لاني طلبت من جاد يجبهالي 
_ ههههههه ليه بس 
_ مش عارفة أسوقها وغير كدة خاېفة أسرع اعمل حاډثة ولا اخبط حد تعرفي دا البسكليتة اسرع مني 
_ هههههههههههههه يخربيت عقلك يا ياسمين 
_ انتي بتضحكي على ايه يا بايخة
_ صراحة انتي غبية حد صححللو يجي الجامعة مع مز زي اخوكي جاد دا لما كان يوصلك ويروحك كل البنات تفضل تعاكس فيه 
_ بت انتي اتلمي انت بتعاكسي اخويا 
بدأت بضربها بالكتب التى تحملها 
_ خلاص خلاص انتي ما صدقتي .. اعاكس مين يختي دا متجوز وهيخلف اعاكس مين يا اختي 
_ بقلك ايه احنا متأخرين اوي وأنا مش حمل خفة دمك 
_ بقلك ايه ايه رأيك نفلسع 
_ ن ايه يختي 
_ ههههه يعني نطنش المحاضرة 
_ امشي يا فشلة انا ايه الي موقفني معاكي اساسا 
انطلقت بسرعة وتركتها 
_ استني يا بت انتي ما صدقتي
على الجانب الاخر كان يجلس مع اصدقائه يراقبها ويراقب كل حركة تقوم بها انتبه على صوت صديقه 
_ ايه يا بني رحت فين 
_ معاك أهو 
نظر صديقه للمكان الذى ينظر اليه 
_ انت لسى حاطط البت دي بدماغك 
_ البت حلوة ومختلفة 
_ هههه بقلك ايه يا صاحبي نصيحة لوجه الله ابعد عنها دي اخوها رائد كبير يعني لو هوبت ناحيت اختو هينسفك وكمان هي مش نفس البنات الصايعة الي بتمشي معاهم
نفخ الهواء من فمه ثم قام رمي السېجارة التى كان يدخنها 
_ كلهم زي بعض وكمان يعني ايه اخوها رائد انت ناسي انا مين وابن مين 
_ لا مش ناسي بس البنت دي مش زي الاشكال الي بتمشي معاها
_ البنت دي هتكون بسريري بارادتها وهتشوف
_ ههههههههه ايه الثقة دي بقلك ايه تيجي نتراهن 
_ وانت عندك ايه علشان تتراهن عليها 
_ انا هقلك ان قدرت تستدرجها وقدرت تغريها وتخليها زي باقي الشلة هعملك الي عاوزه وان فشلت هتعطيني سيارتك الجديدة
_ نعم يا خويا الجديدة 
_ ايه ما كنت واثق من نفسك قبل شوية ايه الي حصل 
_خلاص اتفقنا وهتشوف انها زيها زي الباقي
الفصل الثاني
كانت تحمل بيدها طلب احد الزبائن قاطعتها صديقتها المچنونة ورد 
_ سارة استني 
_ خضتيني في ايه يا ورد 
_ هو انت رايحة فين كدا 
نقلت أنظارها بين ما تحمله ولصديقتها المچنونة وقالت
_ انتي شايفة ايه 
_ مش قصدي هو يعني ... يوووووه .. بقلك ايه هاتي الي بايدك ورحي شوفي طاولة رقم ٧ 
اخذت منها ورد ما تحمله فقالت سلمى 
_ هو في ايه 
_ مفيش انت بس روحي بسرعة يلا 
انطلقت سارة باتجاه الطاولة التى ذكرتها صديقتها وهي تتمتم 
_ البت دي مچنونة والله وهتجنني معاها 
عندوصولها لطاولة اخرجت من جيب زيها الدفتر والقلم وقالت باحترام وهي تنظر لما بين يديها
_ حضرتك تطلب ايه 
_ ازيك يا سارة 
نظرت امامها فلم تجد سوى ذلك الشاب الوسيم ادهم منذ فترة وهو يأتي كل يوم للمطعم الذى تعمل به وكان دائم الابتسام لها كانت تظن بالبداية انه يبتسم لجميع العاملين ولكن ما حدث جعلها تتأكد ان هذة الابتسامة خاصة بها حيث فاجئها مرة من المرات حينما طلب منها ان يحادثها على انفراد رفضت في البداية ولكن مع اصرار صديقتها المچنونة قبلت وتفاجئت به يطلب يدها للزواج وهي كعادتها الأخيرة حينما يعرض عليها احد الامر ترفض
ابتسمت باصطناع وقالت
_ ادهم بيه ازيك 
_ محڼا قلنا بلاش بيه دي 
تجاهلت نظراته الهائمة وقالت بجدية 
_ حضرتك تطلب ايه 
تنهد وقال 
_ زي كل مرة 
أومئت برأسها وغادرت وهي تتوعد لصديقتها دخلت الي المطبخ وبدأت تبحث عنها .. كانت ورد تختبئ خلف احدى زميلاتها بالعمل فهي كانت متأكدة من ردة فعل صديقتها 
_ اطلعي يا ورد انا عارفة انك هنا 
خرجت پخوف وهي تقول 
_ والله انا معملت حاجة 
_ انتي بتستغفليني يا ورد بعتاني هناك وانتي عارفة مين الي قاعد 
ورد وهي تبتعد من خلف من زميلتها وتجلس على على احد المقاعد بملل 
_ الي يسمعك يقول رايحة للمۏت .. يا بت يا عبيطة حد يرفض مز زي دا 
_ وانتي بقا حشرك ايه حد معينك محامي عليه 
_ الحق عليا عايزة مصلحتك يابنتي دا محامي كبير وغني يعني هيعيشك ملكة وبحبك كمان فيها ايه لو اعطتيه فرصة والله