رواية نوفيلا26 الفصل الرابع بقلم ملكة الروايات

البارت الرابع 
خلود اتفضل ياحبيبى اشرب
شكرا ياماما...وبعد ثوانى متعددة.... ماما انا مش بحبك
خلود ليه كدة ياسيد انا زعلتك فى حاجة
سيد ايوة زعلتينى انتى بتكدبى وانا هاقول لبابا انك كدابة
خلود انا ياسيد بكدب ...الله يسامحك انا اللى زعلانة منك كدة
سيد مش انا سالتك كنتى بتتكلمى مع مين قلتيلى ده التليفزيون

وانا كنت قايم اشرب وشفت عمو عادل وهو .....
خلود حبيبى عمو عادل كان جاى علشان يطمن عليك
وانا قلتله انك نايم فقعد شوية ومشى انا اسفة ياحبيبى
انى كدبت عليك ماكنتش اقصد حاجة سامحنى بقى
وماتزعلش منى... اوعى تجيب لبابا سيرة عن الموضوع ده
علشان احبك
سيد حاضر ياماما هسامحك المرة دى بس لوكدبتى على
تانى هقول لبابا وهخاصمك كمان
فى الشغل عند سيف
مى قاعدة على مكتبها وياسمين معاها
مى مصطفى عامل ايه دلوقتى ياياسمين
ياسمين حالته وحشة اوى يامى ومكتئب دايما انا 
ماعدتش بروحله من زمان
مى ليه بس كدة... انتو مش ناويين تتجوزو بقى 
يمكن بعد الجواز حالته تتحسن شوية
ياسمين ادعيلة يامى انا تعبت معاه اوى وهو بعد 
اللى حصله رافض تماما فكرة ارتباطنا
مى ربنا يشفيه يارب اعذريه ڠصب عنه
...سمير دخل ...
سمير السلام عليكم
ياسمين و مى وعليكم السلام
سمير اخباركم ايه ... ونظراته كلها كانت على مى
ياسمين الحمد لله احنا تمام
سمير بقولكم ايه فرح بنت عمى النهاردة فى قاعة 
اللؤلؤة اتمنى لو تشرفونى
ياسمين بخبث لانها فهمت من نظرات سمير انه عايز
مى بس اللى تحضر لا انا مشغولة اوى النهاردة
وللاسف مش هاقدر احضر
سمير طب والاستاذة مى
مى ماهو مادام ياسمين مش جاية مش هاقدر اجى
سمير ليه بس كدة تزعلينى
مى والله اسفة بس مش هاقدر اجى وهاروح بالليل 
لوحدى كدة من غير ياسمين مش هاعرف والله
سمير ان كان على مرواحك ماتقلقيش انا ياستى
هاوصلك لحد البيت
ياسمين بابتسامة خلاص ياسمير بيه سيب مى على
وانا هاقنعها تيجى
مى ابتسمت بكسوف
سمير متشكر اوى يااستاذة ياسمين
بعد مامشى 
ياسمين السنارة شكلها غمزت يابت شكله معجب 
بيكى على الاخر
مى بس ياياسمين كدة عيب
ياسمين ههههه ...... ربنا يهنيكى يارب
مصطفى وسعد فى اوضة مصطفى 
مصطفى سعد انت لقيت شغل ولا لسة بردو
سعد دورت كتير والله ياخويا مش لاقى اى شغل 
انا مش عارف اعمل ايه
مصطفى طب بقولك ايه خد اللوحات دى وحاول
تبيعها اهو يجيلنا اى قرشين نصرف منهم لحد 
ماربنا يصلح الحال
سعد ابيعهم بكام دول
مصطفى باى سعر يجيلك
فى بيت عادل 
ام عادل عمرو رن كتير على التليفون الارضى وبيسال عليك
عادل بقلق ماقالكيش هو عاوز ايه
ام عادل لا ماقالش عاوز ايه هو قال هيكلمك الساعة خمسة العصر
عادل هو انا لسة هستنى لما يكلمنى انا هاروح اكلمه من اى سنترال
عادل راح السنترال واتصل بعمرو
عادل الو ايوة ياعمرو عامل ايه خير الحاجة بتقول
انك رنيت على كتير
عمرو كنت عايز اطمن عليك ... انا بعتلك موبايل جديد
وبعتلك فلوس كمان
عادل بفرحة بجد ربنا مايحرمنى منك ابدا ياابن عمى
عمرو